«Ֆորեստ Գարդ»-ը /Forest Guard/՝ մեր նախկին ստարտափ դրամաշնորհառուներից մեկը, IoT մոնիտորինգի սմարթ համակարգ է՝ անտառների ապօրինի ծառահատումները և հրդեհները հայտնաբերելու համար:

Այն օգտագործում է LoRa տեխնոլոգիան և մշակել է եզակի FFT ալգորիթմ, որը սենսորային համակարգին թույլ է տալիս 12 անգամ խնայել էլեկտրաէներգիան և ազդանշաններն ուղարկել շատ արագ: Համակարգը կարող է գործել անլար, նույն մարտկոցներով՝ նույնիսկ 6 տարի և ավելին:

«Ֆորեստ Գարդ»-ի գլխավոր գործադիր տնօրեն Սվետլանա Ջաղացպանյանը հիշում է, թե ինչպես 2 տարի առաջ թիմը որոշեց դիմել դրամաշնորհի։ Դա բեկումնային որոշում դարձավ թիմի համար՝ արագացնել աճը և ապագայի հստակ պլաններ կառուցել։ 

Դրամաշնորհի օգնությամբ թիմը հաջողությամբ պիլոտային ծրագիր իրականացրեց Ստեփանավանի անտառում։ 

Սվետլանան խորհուրդ ունի Համաֆինանսավորվող դրամաշնորհների մրցույթի ապագա դիմորդների համար (հայտերի ներկայացման վերջնաժամկետը`օգոստոսի 6). «Հավատացե՛ք ձեր արած գործին, անկախ նրանից, թե որքան ժամանակ է այն պահանջում և թե ինչ են մտածում ձեր նախաձեռնության մասին այլ մարդիկ, պարզապես հավատարիմ մնացեք ձեր գաղափարին, և թակեք այնքան դռներ, որքան կարող եք, ձախողե՛ք նորից ու նորից, մինչև կհաջողեք»:

Նման վառ տեսլականով և աշխարհը փոխելու պատրաստակամություն ունեցող ձեռնարկատերերին խրախուսում ենք դիմել «Նորարարության համաֆինանսավորվող դրամաշնորհների» մրցույթին, որը կարող է բացել նոր դռներ՝ հետաքրքիր հնարավորություններով:

 ***

«Ձեռնարկությունների ինկուբատոր» հիմնադրամը՝ Հայաստանի Հանրապետության կառավարության, ՀՀ բարձր տեխնոլոգիական արդյունաբերության նախարարության և Համաշխարհային Բանկի աջակցությամբ իրականացվող «Համաֆինանսավորվող դրամաշնորհներ»-ի ծրագրի շրջանակում հայտարարում է Նորարարության զարգացման և Մարզային համաֆինանսավորվող դրամաշնորհների հերթական մրցույթը։

Դրամաշնորհային ծրագրի նպատակն է աջակցել Երևանում և մարզերում գործող ընկերություններին՝ զարգացնել իրենց նորարարական և տեխնոլոգիական արտադրանքներն ու լուծումները, ինչպես նաև ուղղորդել դրանք` ի նպաստ տնտեսության ավանդական ճյուղերի առաջխաղացմանն, ինչպիսիք են՝ զբոսաշրջությունը, գյուղատնտեսությունը, էներգետիկան և այլն։ Ակնկալվում է, որ այս դրամաշնորհային մրցույթին ներկայացված ծրագրերը կնպաստեն նաև համավարակի տնտեսական հետևանքների հաղթահարմանը, հատկապես՝ առավել խոցելի ոլորտներում։

Ծրագրին դիմելու վերջնաժամկետն է 2020թ. օգոստոսի 6-ը, ժ. 23:59 (Երևանի ժամանակով)։ Ծրագրի մանրամասներին և դիմելու գործընթացին կարող եք ծանոթանալ այստեղ http://www.eif.am/eng/news/matching-grants-2020/